Sikkim-ah district thar siam dawn

Sikkim-a East Sikkim district ṭhendarhin, district thar leh a pangana tur, Pakyong district thar siam a ni dawn.

Sikkim-ah hian district pali - –North Sikkim, East Sikkim, West Sikkim leh South Sikkim-te an awm mek. District thar siam tur hian East Sikkim district hnuaia sub-division pathum - Pakyong, Rangpo leh Rongli te a huam ang.

Disrict thar hi square km 404-a zau a ni dawn a, kum 2011 chhiarpuia a lan danin mihring 74,583 chengin, heng zinga 36,392 chu Pakyong sub-division huam chhunga mi an ni a, Rongli-ah mi 27,741 leh Rangpo subdivision-ah 10,450 an awm. District tharah hian assembly constituency panga - West Pendam, Rhenock, Chujachen, Gnathang-Machong, leh Namcheybong an awm dawn bawk a ni.

Revenue circle 11 a awm dawn a, ADC circle pahnih - Pakyong leh Gangtok-ah siam a ni bawk ang.

Rhenock Degree College leh Sikkim Manipal Institute of Technology-te chu district thar chhungah hian an awm dawn a, senior secondary school 10 a awm dawn a ni.