Tripura-in ni 2 chhungin vaccine nuai thum pek tum

Tripura sorkar chuan Thawh­ṭanni aṭanga ram puma kum 18 chunglamte tana special vaccina­tion drive kalpuina hnuaiah, ni hnih chhungin mi nuai thum hnenah vaccine pek hman a tum.

Thawhṭanni khan state chhung hmun hrang hranga vaccine centre 1,342 aṭangin special drive hi kalpui ṭan a ni.

Tripura-ah hian kum 18-44 inkar mi nuai 16 vel awmin, an zinga nuai thum hian vaccine dose khatna an la tawh. Thla ruk kalta chhung khan mi nuai 14-ten vaccine dose khatna an la hman a, dose hnihna la kim tawh hi nuai 5.5 vel an awm tawh bawk. Hei hi vaccine la thei chin zinga 55% chuang an tling.

Ram puma kum 45 chung lam vaccine pekah pawh Tripura hi a pe ṭha ber state a ni mek bawk. State sorkar chuan a rang thei angin vaccine la thei chinte pek kim thuai tumin ṭan a la mek.