A thubuai pakhatah Akhil Gogoi thiam chantir

Guwahati-a special National Investigation Court (NIA) court chuan Thawhlehni khan Assam MLA leh Raijor Dal presient, Akhil Gogoi chu Unlawful Activities (Prevention) Act hnuaia thubuai pahnih siamsak zinga pakhatah thiam a chantir.

Sivasagar MLA, Akhil Gogoi hi Citizenship Amendment Act (CAA) dodalna a lantirna kaihhnawihah Upper Assam-a police station hrang hrangah a lakah FIR 12 thehluh a ni.

FIR thehluh zingah pahnih chu kum 2020 khan NIA-in an kutah lain, UAPA leh Indian Penal Code hnuaiah thubuai siamsak zui a ni.

Thawhlehni khan special NIA court chaun Gogoi hian case number 3/2020-ah thiam a chantir a,a thurualpuia puh Jagajit Gohain leh Bhupen Gogoi-te pawh thiam chantir an ni bawk.

Akhil Gogoi hi kum 2019, December thla khan man a ni a, jail-ah tantir a ni. Jail-a tang chung hian nikuma Assam assembly inthlanah khan Sivasagar bialah a ding a, hneh taka thlan tlin niin Assam-a jail aṭanga inthlan chuha thlan tlin hmasa ber a ni. A hriselna a ṭhat tawk loh avangin Gauhati Medical College Hospital-ah enkawl mek a ni.