Assam : CBI-in Ghosh Brothers Automobiles neitute in dap

Central Bureau of Investigation (CBI) chuan Thawhlehni khan Ghosh Brother Automobiles neitute in, Guwahati ami chu an dap. Building hi ni 14 chhung tan an kharsak nghal bawk.

Ghosh Brothers neitute leh an company-a director-te lakah IDBI bank chuan complaint thehlutin, dawt hmanga loan an lak avangin cheng vaibelchhe 168.82 an hloh phah niin a sawi.

IDBI bank-in complaint a thehluh behchhan hian Ghosh Brothers Automobiles neitute - Pranab Kumar Ghosh, Pratul Kumar Ghosh, Gita Rani Ghosh, Prabir Kumar Ghosh-te bakah an company promoter leh director-te chu thubuai siamsak zui an ni.

Bank chuan company hian document dik lo hmangin loan hi an la niin a sawi a, hei bakah hian loan an lakna chhan nia an tarlan ni loah an sum lakte hi an hmang niin a sawi bawk.