Meghalaya-in Netherlands leh UK-ah Aieng leh sawhthing dip a thawnchhuak

Meghalaya chuan a ṭum khatna atan Netherlands leh United Kingdom-ah aieng leh sawhthing dip (ginger powder) chu Nilaini khan a thawnchhuak.

State agriculture minister Banteidor Lyngdoh chuan aieng an thawnchhuah hi West Jaintia Hills-a Lakadong area-a thar chhuah niin, khawvelah pawh aieng variety ṭha ber zinga ngaih a ni, a ti. Ginger powder hi Ri-Bhoi district aṭanga tharchhuah a ni bawk.

Banteidor chuan a ṭum khatna atan Lakadong aieng kg 150 leh ginger powder kg 150 chu Netherlands-ah thawnchhuah niin, UK-ah kg 150 leh ginger power kg 5 thawn a ni tih a sawi. Ram pahnih aṭangin demand a awm avangin a enchhinna atan thawn chhuah a ni tih a sawi bawk. Nikum khan thawn tum a ni tawh a, mahse hri leng avangin an ti thei lo tih a sawi a ni.