Sikkim sorkarin pharma company aṭangin damdawi lei tawh dawn

Sikkim sorkar chuan damdawite chu a siamtute hnena aṭangin direct-in a lei tawh dawn a, middlemen an inrawlh thei tawh dawn lo.

Chief minister Prem Singh Golay chuan he thu hi sawiin, sorkar chuan mi rethei, BPL category-te chu a thlawnin damdawi a pe zel dawn tih a sawi a, hemi atan hian financial year 2021-22 budget-a damdawi leina tur sum dah pawh tihpun a ni, a ti.

CM chuan sorkar doctor leh medical pracitioner-te pawh Central Medical Store (CMS)-a damdawi awmte chauh chawh ṭhin turin a ti bawk.

Damdawite hi a siamtute chuan district hospital leh STNM Hospital-ah direct-in a pe ṭhin dawn a, hei hi health department nena meeting an neiha an rel a nih thu Chief Minister chuan a sawi. Sorkar chuan hemi atan hian tender a chhuah dawn a, manufacturer an thlante chuan Sikkim tana damdawi an supply tur bikah chuan "Only for sale in Sikkim" tih an ziak tur a ni, a ti.