TTAADC-in loneitu chhungkua 5,983 chhawmdawlna pe dawn

Tripura Tribal Areas Autonomous District Council (TTAADC) chuan an council huam chhunga loneitu chhungkua 5,983 hnenah chhawmdawlna, Rs 3,000 ṭheuh a pe dawn.

Deputy chief executive member Animesh Debbarma chuan council session neihah hemi chungchang hi sawiin, TTAADC huam chhungah loneitu chhungkua 5,983 awmin, heng mite hi chhawmdawlna pek vek an ni dawn tih a sawi a ni. Chhungkaw tin hnenah hian Rs 3,000 pek an ni dawn a, hetiang zat bawk hi pe ve turin state sorkar hnuaia tribal welfare department pawh ngen an nih thu a sawi.