Sikkim-in July 5 thleng lockdown pawtsei

Sikkim sorkar chuan Covid-19 hri leng vanga lockdown puan chu July 5 thleng atan a pawhsei.

Lockdown hman mek hi vawiina tawp tur a ni a, mahse hri kai an la pun belh zel avangin sorkar chuan July 5 thleng atan a pawtsei leh ta a ni. May 6 aṭang khan Sikkim-ah hian lockdown hi kalpui a ni tawh.

State home depart­ment chuan lockdown pawhsei tur thu hi a puang a, hemi rual hian khuahkhirhna ṭhenkhat erawh thlahdul a ni thung. District-te intlawh tawn phalsak a ni tawh a, zan lama curfew puan pawh thlahdulin, zan dar 9 aṭanga curfew puan chu dar 10:30-ah sawn hlat a ni.

Restaurant-te pawh 50% seat capacity-in zan dar 10 thleng hawn phalsak an ni bawk.