BJP-in Assam leh Manipur unit hruaitu tur ruat

29th June, 2021

Bharatiya Janata Party (BJP) chuan Assam leh Manipur-a an party hotu thar tur a ruat.

BJP national president JP Nadda chuan hruaitu tharte hi ruatin, mawhphurhna pawh an la nghal tih party general secretary Arun Singh chuan a sawi.

Assam BJP president atan MLA nilai Bhabesh Kalita chu ruat a ni. Party president Ranjeet Kumar Das chu sorkar tharah minister atana ruat a nih tak avangin Kalita hian a thlak a ni.

Manipur-a BJP president atan Sharda Devi ruat a ni bawk. State party unit president ṭanglai Saikhom Tikendra Singh chu May thla khan Covid-19 vangin a thi a ni.