Rualbanlote hnena vaccine pek ngai pawimawh turin AP hriattir

Guwahati High Court-a Itanagar permanent court chuan Arunachal Pradesh sorkar hnenah Covid-19 vaccine hna kalpui meka rualbanlote dah pawimawh turin a hriattir.

Social activist Ebo Mili chuan High Court-ah hian public interest litigation (PIL) thehlutin, AP sorkar vaccination policy kalpui dan chu rualbanlote tan zawm a harsa niin a sawi. Hei hi court chuan Thawhṭanni khan ngaihtuahin, AP sorkar bakah department of health and family welfare secretary, National Rural Health Mission director leh social welfare commissioner (disabilities) secretary-te hnenah Covid-19 vaccine pekchhuahah rualbanlo, kum 18 chunglamte chu ngaih pawimawh hmasak turah dah turin a ti a ni.