Amit Shah-a'n ramri chungchang NE CM-te sawipui dawn

Union home minister Amit Shah chuan July 14-15 hian Meghalaya a tlawh dawn a, hmarchhak state chief minister-te meeting neihpuiin state ramri buaina an neihte pawh a sawipui dawn.

Assam hian a ṭhenawm state - Nagaland, Meghalaya, Mizoram leh Arunachal Pradesh-te chu ramri chungchangah buaina a neihpui vek a ni. Meghalaya health and family welfare minister Alexander Laloo Hek chuan Amit Shah ho hian ramri buaina chinfel dan turte sawihoin, policy-te pawh siam tum a nih thu a sawi.

Kumin January 23-a Shillong-a North Eastern Council (NEC) 69th plenary session a hmanpui ṭum khan Shah hian hmarchhak state hrang hrangte chu nakkuma August 15-a India Independece Day vawi 75-na thlen hma ngeia ramri buaina an neihte chingfel hman vek turin alo nawr tawh. Chief Minister-te meeting-te neia sawiho turin a ti a, hmarchhak state-ten ramri buaina an neih chu chinfel thuai tum a nih thu pawh a lo sawi tawh bawk.