Manipur CM-in mobile insulated vaccination bus a hawng

Manipur chief minister N Biren Singh chuan Nilaini khan Imphal-ah mobile insulated vaccination bus a hawng.

He bus hi Khurai assembly bialtu, BJP MLA L Susindro Meiei-in a pek a ni.

CM Singh chuan state chhunga constituency zingah Covid vaccine 100% pe thei hmasa ber hnenah lawmman, Rs nuai 20 pek a tiam bawk.

India chuan prime minister Narendra Modi kaihhruaina hnuaiah khawvela a thlawna Covid vaccine pek chhuahna runpui lian ber a ni tih sawiin,CM chuan vaccine chu Covid-19 hri dona hmanrua awmchhun, hri laka nunna chhanhim thei tur a ni, a ti.

Singh chuan state mipui, vaccine la thei chin chu an himna atan a rang thei anga vaccine la vek turin a chah bawk. Hri leng dona kawnga sorkar hmalakna hrang hrangah mipuite ṭawiawmna leh thawhpuina a ngen bawk a ni.

MLA L Susindro chuan a bial chhungah vaccine late hnenah a thlawnin buhfai kg 5, hand sanitizer leh face mask-te a pek zel tur thu a sawi. Mobile vaccination bus hian vaccine la tur mi 10 chin awmna chu an in lamah a pan zel thei dawn a ni. He bus hi a bial chhunga vaccine lak kim a nih hma chuan service tir a ni dawn tih a sawi bawk.