Assam cabinet-in arms battlion-te special annual leave pek remti

Assam cabinet chuan Assam police-a arms battalion-te chu kumtin special annual leave, thla khat chhung pek ziah a remti. Hei hian sub-inspector aṭanga constable thleng a huam dawn a, in lamah an haw a, an chhungte bula an awm theihna turin hei hi ruahman a ni tih an sawi.

State minister Keshah Mahanta chuan, arms battalion-te chu kum tin thla khat chung an chhungte bula awm turin leave lak tir ziah an ni dawn tih sawiin, quarter-a an chhungte nena khawsate erawh chu kum khata ni 10 chawlh lak phalsak an ni thung ang, a ti.

June thla tira chief minister Himanta Biswa Sarma-a'n Kaziranga-a police superintendent conference a hmanpui ṭum khan station hrang hranga awm, Assam police-a armed force battalion-te tan special leave siamsak a nih tur thu hi a lo puang tawh a ni.

Nilainia cabinet meeting-ah hian hripui leng vanga zirna pangngaia kalpui theih a nih loh vang leh, online education kalpui a nih avangin zirlai tinten awlsam taka internet an hman theihna turin mobile tower pawh a remchang apiangah hun belh an rel bawk. Information technology department chu a rang thei anga hma la nghal tura mawhphurhna pek a ni bawk.