Nagaland-a phalna nei loa din private school khar vek turin ti

Nagaland-a Directorate of School Education (DoSE) chuan an state chhunga mimal, society leh organisation-in private school an din, department aṭanga phalna nei lote chu titawp nghal vek turin Ningani khan a hriattir. Hei hian pre-primary school pawh a huam vek a ni.

Department chuan DoSE aṭanga phalna nei lo private school eng emaw zat an la awm tih sawiin, hriattirna pawh pek an lo ni tawh a ni, a ti. Pre-primary school dinte chu hriattirna an pek aṭanga ni 15 chhunga permission dil tura an hrilh thu leh, hun pek chhunga dilna thehlut lote chu titawp nghal turin hriattir an nih thu a tarlang.