Tripura : Ruahsur nasa vangin mi tam takin chenna in chhuahsan

Tripura-ah ruahsur nasa avangin mi tam takin harsatna an tawk a, chhungkaw 556 chu chenna in chhuahsanin relief camp 21-ah an awm mek.

Ruahsur nasa vang hian chenna in pakua chu luah tlak lohin a chhe vek a, in dang 500 chuang zet an chhe tel bawk. Petrol tanker leh bungraw phur motor lian chu Dhalai district-a Nailafa Para area-a national highway-ah tui tam lutuk vangin an let bawk a ni.

State disaster management office chuan Khowai lui tui chuan hlauhawm chhinchhiahna a hnaih tawh hle. Ruahsur nasa avang hian hmun tam takah tui a lian a, hei vang hian mi tam tak chuan an chenna in an chhuahsan a ni. Sorkar chuan Khowai district bialah relief camp 13 siamin, heng hmunah hian chhungkaw 353 aṭangin member 1,412 an khawsa mek.

Sepahijala district-ah pawh chhungkaw 203 chuan an chenna an chhuahsan a, relief camp 8-ah an awm mek a ni. Gomati district pawhin tuilian an tuar bawk.

Kum 2019 khan Tripura-ah hian ruahsur nasat vangin district pariat-a mi 17,000 chuang chuan an chenna in an lo chan tawh bawk a ni.