AP-in thla 3 chhungin vaccine pek kim hman tum

Arunachal Pradesh chief minister Pema Khandu chuan a kaihhruai sorkar chuan state chhunga puitling, Covid-19 vaccine la thei chin chu thla thum chhunga pek kim vek hman a tum tih Inrinni khan a sawi.

State sorkar hian hri kai an pun zel avangin vaccine pek hna pawh chak zawkin a kalpui mek a, vaccine la thei chin zinga a zahve chu dose khatna pek an ni tawh a ni. Inrinni khan sorkar laipui hnen aṭangin vaccine hi dose nuai khat an dawng leh a ni.

AP-ah hian Inrinni khan hri kai thar 365 awmin, hri kai hmuh chhuah tawh hi mi 36,937 an tling tawh a, an zinga mi 176 in an thihpui tawh bawk.