Assam-ah ramdang mi 20,000 chuang an awm : Rijiju

Union Minister of State for Home Affairs Kiren Rijiju chuan Thawhlehni khan thu­chhuah siamin, October thla thleng khan Assam-ah ramdang mi 20,000 dawn an awm tih Foreigners Tribunals (FTs) chuan an tarlang niin a sawi.

Minister of State Rijiju chuan FTs hian Assam-ah 'D' (doubtful/ disputed) voter mi 19,612 an awm tih an tarlang tih sawiin, heng mite hi October, 2017 thleng khan ramdang mia chhiar an nih thu a sawi. Hetih lai hian Rijiju chuan 'D' voter te hi dan hnuai awm an nih thu leh thinhrik theih an nih loh thu a sawi a, hren an nih loh thu a sawi bawk. Hetih rual hian FTs-in ramdang mi nia an puan ho erawh chu hren an nih thu a sawi thung.

Minister chuan As­sam in kum 1997-a elec­toral roll a ennawn ṭum khan Home and Political Department-te'n ramdang mi chungchanga thuchhuah an siam chuan 'D' voters te chu electors, India khua leh tui an ni ngei tih a huna prove thei lote tana siamsak a nih thu a sawi.

'D' voter te hi finfiahna report aṭangin Electoral Registration Officers (EROs) ten thutlukna an siam leh thu sawiin, Rijiju chuan report a zira India khua leh tuia an pawm leh pawm loh thu thutlukna siam a nih thu a sawi bawk.