Nagaland-a grenade puakah mi pakhat thi

Nagaland, Kiphire district-a Sitimi area-ah grenade puak vangin mi pakhatin nunna a chan thu leh, in eng emaw zat a kan thu Nilainia official thuchhuah chuan a tarlang. Thudawnnain a tarlan danin bomb puak vanga nunna chan hi Tongsepi, Natsami khaw mi a ni a, grenade hi tihpalh thil thu a puak a nih bawk niin an sawi.

Sitmiti area-a in eng emaw zat chu hal a nih thu official te chuan an sawi a, heihi district thuneitu ten community hming hman an phal loh an hman avanga community dang thinrimin an halsak niin an sawi. Nagaland sorkar chuan buaina chhuak zel tur venna tur hian he lai district-ah hian SMS mai bakah mobile internet leh data service reng reng hman a khap nghal a, January 2 aṭang khan tiam chin awm loin khap a ni.

Nagaland Home Commission, Abhishek Singh chuan Nilaini zana thuchhuah a siamah Kiphire district-a Sitmiti-ah buaina a chhuah thu a sawi a, mahse buaina hi chingfel tura hmalak nghal a nih thu a sawi.

Singh chuan thudik lo thehdarh theih laka inven nan social media hman khap a nih thu a sawi a, thu dik lo thehdarh an awm a nih chuan an chungah action lak a nih tur thu a sawi bawk.

Singh chuan buaina chhuahna hmunah hian sipai tirh luh an nih thu a sawi bawk a, District thuneitute pawhin Section 144 CrPC hnuaiah prohibitory order an tihchhuah thu a sawi bawk. Buaina chhuahna hmuna remna leh muanna a awm leh thuai theih nan hma an lak mek thu a sawi bawk a ni.