CBI-in Meghalaya minister thu zawt fiah dawn

Central Bureau of Investigation (CBI) chuan Meghalaya PWD Minister Ampareen Lyngdoh chu 2008-09-a zirtirtu lakna a score sheet khawih chingpen chungchangah inhnamhnawia puh a nih avangin thu an zawt fiah dawn a, a rual hian Additional Chief Secre­tary PS Thangkhiew pawh thu an zawt dawn bawk.

CBI hian Meghalaya High Court thuchhuak bawhzuiin state sorkar official pahinte hi thu an zawtfiah dawn a, an lakah hian FIR thehluh a ni tawh bawk. Lyngdoh lakah hian conspiracy, forgery leh criminal breach of trust kaihhnawihah IPC tlawhchhanin thubuai siamsak a ni bawk niin official te chuan an sawi. Education scam lai hian Lyndoh hi Educa­tion Minister a ni a, Thangkhiew erawh hi chu 1984-batch IAS a ni a, buaina chhuah hun lai hian principal education secretary a ni thung. Thang­khiew hi tunah hian additional chief secre­tay niin crucial home depart­ment a enkawl mek a ni.

Meghalaya High Court hian November 2, 2017 khan CBI hnenah Education scam chhui tura ngenna thuchhuah hi a siam a, 2008-09-a lower primary school-a assistant teacher lak a nih ṭum khan score sheet khawih chingpen chungchangah buaina hi a chhuak a ni.

Elementary and mass education director JD Sangma chu score sheet a mark khawih danglam tur hian Lyndoh hian a ti niin puhna a awm a, hemi vang hian complain thehluh a ni a, CBI hian thu an zawtfiah dawn ta a ni.