Assam-a chhungkaw pakhatin An unaupa thih chungchangah PMO lehkha thawn
Kum kaltaa Delhi dawmdawiina kum 42 mi, Utpal Saikia thihdan chungchanga treatment dik loh pek avanga thi ni a an ngaih avangin, mitthi chhungte chuan Prime Minister Office hnenah he damdawiin laka action la tura ngenna lehkha an thawn.
Saikia chhungte hian Prime Minister Narendra Modi chu damawiin chungchangah dan khauh zawk siam turin an ngen a, sorkar license nei loa damdawiin siamte chu khar sak turin an ngen bawk.
PMO hnenah hian lehkha thawnin, an unaupa Utpal Saikia thihdan chungchangah hian thil fel tawk lo a awm nia an hriat thu an thlen a ni. Vasant Vihar Police station chu mawhphurtute zawng chhuak a, hma la tura an duh thu PMO office-ah hian an thlen bawk. Saikia chhungte hian Saikia thihna damdawiin, Munirka-a SHL Hospital chu license nei lo an nih thu leh dam lo te pawh nurse leh doctor lemin an enkawl ṭhin niin an sawi bawk.
Utpal Saikia hi Nikum November 16 khan SHL Damdawiinah hian admit a ni a, a hnu darkar khat lekah a boral a ni.
Saikia unaunu, doctor Maouchumi Saikia chuan a unaupa hi damdawiina admit a nih hnu lawkah hian, damdawi dik lo pek a nih avangin darkar khat lekah nikhaw hre loin a awm nghal niin a sawi. Hemi hnu hian Safdarjung damdawiinah referr a nih thu leh Safdarjung damdawiin lam chuan an dawmdawiin an thlenpui hi chuan a thih tawh thu an sawi niin Maouchumi hian a sawi.
Hetih lai hian Saikia lo enkawltu RK Yadav chuan damdawiin an rawn thlenpui hian a pum a nain a luak nasa hle a, a dinhmun a hniam zui nghal mai a ni, a ti ve thung. Mochumi leh a pasal chuan SHL Hospital leh staff te hi an chhui zui niin an sawi a, damdawiin chu a license nei lo a nih thu leh an doctor rawihte pawh a lem an nih thu an sawi a ni.
Mouchumi chuan Yadav chu Goa Medical Council hnuaia inziaklut anga a insawi thu leh a registration number pawh an hriat thu a sawi a, mahse Goa Medical Website an check chuan he registration number a doctor in register chu midang daih a nih thu a sawi. Moucjumi leh a pasal hi doctor ve tho an ni.