ULFA-I tawmbuk tichhia

Arunachal Pradesh Security force-te chuan Zirtawpni kalta khan Arunachal Pradesh-a Changlang District-ah United Liberation Front of Assam - Independent (ULFA-I) te tawmrukna ṭhin hmuchhuakin an tichhia tih, Defence offi­cial te chuan an tarlang.

Defence thupuangtu Colnel Chiranjit Konwer chuan intelligence-te hnen aṭanga an thudawn bawhzuiin Zirtawpni khan Assam Rifles Jirampur Battalion te chuan Namdapha reserve ramhnuai leh a chheh vel dapin firfiakte tawmbuk hi an hmuchhuak ta tih a sawi. Jirampur Battalion-te hi DAO Division in an pui bawk a ni.

Konwer chuan Repub­lic Day hmaa security force-te'n hel pawl hrang hrang hmalakna nuaibo tuma an hmalakna kawng khat a nih thu sawiin, Miao khuaah hel pawlten pawikhawihna thlen an tum tih thu an dawn bawhzuia hmala an nih thu a sawi bawk.

Firfiakte tawmbukah hian pawikhawihna lam kaihhnawih lehkha, opium leh document pawimawh ṭhenkhat an chhar a, an tawmbuk tichhiat hi firfiak te hian chawlh lailawk nana an hman ṭhin nia hriat a ni.