Central scheme kalpui chak turin Hmarchhak state nawr

Union Minister Radha Mohan Singh chuan sorkar laipui aṭanga scheme lo kal, 2022-a lonei mite lakluh a let a tihpunna tur, 90% fund an pek tawh chu chak zawka kalpui turin hmarchhak state te a duh thu a sawi.

Union Minister for Agriculture and Farmers Welfare adha Mohan Singh chuan Meghalaya sorkar chu na taka sawi­selin, sorkar laipui

aṭanga scheme kalte chu an kalpui ṭha lo hle niin a sawi a, Central prog­ramme Utilisation certificate pawh an theh lut lo niin a sawi bawk. Singh chuan heng scheme 90% chu sorkar laipuiin hmarchhak state te hnena fund an pek tawh thu sawiin, Meghalaya pawhin heng scheme hi chak zawkin a kalpui tur a ni, a ti.

Lonei mite lakluh chu 2022-ah chuan alet a tihpun tum a nih avangin sorkar laipui chuan helam hawizawnga scheme mipuite hamṭhatna tur tam tak a duang a, pawisa pawh tam tak pe chhuak tawh mah se agricuture lamah hmasawnnahmuh tur a la awm lo hle a, state sorkar chuan hma a la ngei tur a ni tiin Singh chuan a sawi a ni.

Singh chuan Megha­laya sorkar chu Pradhan Mantri Krishi Sinchayee Yojana scheme hnuaia sum cheng nuai 50 zet, micro-irrigation atana hman tur pawh a hmang lo niin a sawi bawk. Kum 2015-16 chhung pawh khan cheng vaibelchhe 1.44 zet Meghalaya sor­kar hnenah water management leh water harvesting-na atan pek a nih thu leh hemi kum hian sorkar hian a hmanna turah a hmang lo niin a sawi.

Heng bakah hian Mohan Singh hian Meghalaya chu scheme dang tam tak pawh a hmanna tur dik takah an hmang lo niin a sawi bawk a ni.