Manipur Cyclist-in 'Anti-Pollution' campaign tour A Tan

Manipur Cyclist Philem Rohan Singh chuan India rama boruak bawlhhlawh zel avangin 'Anti-Pollution' campaign neih nan Cycle-in Delhi aṭanga Manipur a kal dawn a, Thawhṭanni khan India Gate aṭangin a tlachhuak a ni.

Rohan Singh hian km 2,500 a thui a tlan dawn a, boruak bawlh­hlawh zel venna atana hmalak na a neih ve theih nia ngaiin, Delhi aṭang hian an khua hi Cylce-a tlan thlen a tum.

Rohan chuan a naupan lai aṭang tawha hetiang thil tih hi a chak ṭhin thu a sawi a, midang la tih ngai loh thil tih a duh thu a sawi bawk. Delhi air quality index-in hma a sawn theih loh avangin Rohan chuan 'Anti-pollution' campaign hi kalpui a tum ta a ni. Jawaharlal Nehru University-a zirlai Rohan chuan Diwali hnu aṭanga Delhi boruak chhe zual zel chu a vei thu sawiin, hetianga hmalak hi a tum ta niin a sawi.