Tripura CM-in Bangladesh PM hnen aṭangin thilpek dawng
Triprua chief minister Biplab Kumar Deb chuan Thawhṭanni khan Bangladesh prime minister Sheikh Hasina hnen aṭangin thilpek, theihai kg 300 a dawng.
Bangladesh PM hian inṭhianṭhatna lantirna atan a hmain prime minister Narendra Modi, West Bengal chief minister Mamata Banerjee leh hruaitu dangte pawh an rama tharchhuah theihai hi a lo thawh tawh a ni.
Thawhṭanni khan Bangladesh PM rawn thawn, Haribhanga variety theite hi Agaratala Land Prt-ah phurh thlen an ni a, Agaratala-a Bangladesh assistant high commissioner Jobayed Hosen chuan CM hnenah a hlan a ni. Hosen chuan, "Haribangha theihai hi Bangaldesh rama theihai tui leh lar ber zinga mi a ni," a ti.
CM Deb pawhin social media lamah thilpek a dawn thu hi sawiin, Bangladesh PM chu lawmthu a hrilh a ni. India leh Bangladesh pawhin inlaichinna leh thawhdunna ṭha an neih zel a beisei thu a sawi.