Tourism sector hawn a la hun lo : Meghalaya CS

Meghalaya state-a hri leng vanga khuahkhirhna siamte chu thlahdul chhoh ni mah se, tourism sector hawn chu a la hun rih lo niin chief secratary MS Rao chuan a sawi.

Chief Secretary chuan tourism sector hawng tur chuan Covid-19 positivity rate 5% hnuai lam a nih hun an nghah phawt a ṭha tih sawiin, tuna an state-a positivity rate chu 10% a ni mek a, hei hi a la sang lutuk a ni, a ti.

Sorkar laipui lamin an nawr avangin hri leng dinhmun la ziaawm lo mah se state sorkar chuan office hrang hrangte hna a thawh tir tawh a, mahse heng hmunah hian hri laka invenna tura kaihhruaina siamte chu khauh taka kenkawh zel an ni tih CS chuan a sawi.

Meghalaya-a hri leng thawh hnihna thleng hian sum an lakluhna lian pakhat, tourism sector hi a nghawng na hle. He sector hnuaia eizawng tam tak pawhin harsatna an tawk mek a ni.