Sikkim Brand Ambassador - AR Rahman

Sikkim sorkar chuan an state Brand Ambassador thar atan zaithiam lar AR Rahman chu ruat a nih thu Thawhṭanni khan official-te chuan an puang.

Chief Minister Pawan Cham­ling chuan Sikkim Red Panda Winter Carnival 2017-18 hawnna a neihnaah Brand Ambassador atana India mi, AR Rahman ruat a nih thu hi a puang a ni.

Sikkim Red Panda Winter Carnival 2017-18n hawnna hi Gangtok-a Paljor Stadium-ah neih a ni a, he hun hi Ar Rahman hian a hmanpui a, thu a sawi nghal bawk.