Meghalaya-ah GNLA hotu kaphlum

Garo National Liberation Army (GNLA) hotu lu Matchallang Sangma chu Ningani khan security force-te'n an kahhlum tih police te chuan an sawi.

Matchallang Sangma, a hming lema Vietnam inti, hel pawl GNLA Deputy Commander-in-chief hi Meghalaya police-te nen Bawe Duragre thingtlang khaw bula an inkahnaah a tyhi a ni. Bawe Duragre hi Meghalaya East Garo Hills district heagquarters Williamnagar aṭanga km 20 vela hlaa awm a ni a, Simsang lui bula awm a ni.

District police officer Rimrang Momin chuan an inkahna hmunah hian GNLA mi ṭhenkhat an awm tih an hriat avanga kal an nih thu a sawi.

An kahhlum tak Sangma hi buaina hrang hrangah a inhnam­hnawih nia sawi a ni a, Garo Hills leh West Khasi Hills vela inrukbona leh tualthahna hrang hranga inhnamhnawina nei nia sawi a ni bawk. Hel pawl bei tur hian Special Weapons and Tactics leh SF-10 commando-te chu tirh an ni.

Police officer chuan AK Rifle leh a mu, Chinese siam hand grenade, Bangladesh pawisa leh document inkahna hmunah hian an chhar bawk niin a sawi.