Sikkim minister leh MLA-in WB CM hmu

Sikkim roads & bridges minister Samdup Lecha leh MLA-cum-Advisor GT Dhungel chuan Nilaini khan West Bengal chief minister Mamata Banerjee chu Kolkata-ah hmuin, Sikkim leh West Bengal inkalpawhna kawngpui siam ṭhat dan chungchangte an sawipui. 

Meeting-ah hian minister chuan Sikkim-West Bengal inkar, Rangpo-a Viaduct siam mek te, Sevoke Raod-a railway crossing-a flyover thar siam rawtnate, Teesta lui chunga rel kawng chunga lei dawh chungchangte a sawipui. Siliguri-Rangpo inkara relkawng siam hna chu chak zawka kalpui a nih theihna tura West Bengal sorkar lam thawhpuina te a ngen nghal bawk. 

West Bengal CM nena meeting an neih hnuah, Sikkim minister Lecha leh MLA Dhungel-te hian West Bengal department hrang hranga official-te meeting an neihpui zui leh bawk a ni.