Assam CM-in forest ram thlithlai nan drone hmang ṭhin turin ti

Assam chief minister Himanta Biswa Sarma chuan state forest department hnenah forest ram leh forest resources-te enfiah a, thlithlai ṭhinna atan a tam thei anga drone hmang turin a ti.

Environment and forest department hnathawh dante thlir letin, CM chuan forest officer-te hnenah phalna nei loa forest ram china lutte leh forest resources la ṭhinte man chhuah zel an nih theihna atan drone chu hmang ṭangkai turin a ti a ni.

CM chuan drone hmanga ram ngaw endik chu mumal taka kalpui a, drone pawh an mamawh ang zat nei turin official-te chu a hrilh a, state forest department chuan theihtawp chhuaha forest land-te humhalh a, ramsate venhimna tura an beih a ngai a ni, a ti. Department insiamṭhat ngaihna laiah pawh rang taka hma la nghal turin a chah bawk.