NSF-in zirtirtute lakah 'no work, no pay' policy hman phut

Naga Students’ Federation (NSF) chuan an state sorkar hnuaia thawk, zirtirtu inthlahdah tam tak an awm thu sawiin, hei vang hian sorkar hnenah zirtirtu lakah hian 'no work, no pay' policy hmang turin an phut.

NSF chuan Thawhlehni khan chief minister Neiphiu Rio hnenah lehkha thehlutin, "State sorkar hnuaia thawk zirtirtu tam zawk hian an hna an ngaihsak tawk lo a, hripui leng vanga online class-a kalpui a nih laiin an inthlahdah hle a ni. Heng mite vang hian hna zahawm tak, zirtirtu hna chu an tihmelhem a ni," tiin an sawi.

NSF chuan court thupek angin, state chhunga state zawng zawngte naupang fee ngaidam vek tura hriattirna, official order tichhuak turin an ngen bawk.

Hri leng dona tana sorkar hmalakna leh sum hman danah langtlang taka kal turin state sorkar chu an ngen a, hei bakah hian Naga political issue chinfelna tura hmalak mekah theihtawp chhuah turin zirlai pawl chuan an ngen bawk a ni.