Assam : NRL-in Wax MT 132 Poland-ah thawn

Assam sorkar hnuaia wax siamtu company lian tak Numaligarh Refinery Ltd (NRL) chuan Zirtawpni khan wax metric tonne 132 zet chu Poland-ah an thawn.

NRL-in wax a thawnchhuah hi Company Chief General Manager (Finance) Indranil Mitra chuan Golaghat district-a Numligarh aṭangin a vai liam a ni. NRL hian ram dang 19 laiah wax hi an thawhchuak tawh a ni. Company thuchhuah chuan Europe rama wax thawnchhuah chu thil ṭha tak a nih thu leh thil quality ṭha hria an nih avangin lawmawm a tih thu an tarlang. Hemi avang hian NRL brand hlutna pawh a zual phah sawt dawn niin an tarlang bawk.

NRL thuchhuah chuan tunhnai kumhnih chhungin ram 12 aia tamah wax hi an thawhchhuah tawh thu an tarlang a, chung zingah chuan Mexico, Kenya, Nepal, Bangladesh, Nicaragua, Thailand, Hong Kong leh Brazil-te pawh an tel. Zirtawpna an thawnchhuah tak nen hian NRL hian wax metric tonne 6,000 zet an thawhchhuak tawh a ni. NRL wax plant hi February 5, 2016 khan Prime Minister Narendra Modi-a'n state thuneihna hnuiah a hlan a ni.