NPCC-in Kristian-te tiduhdahna titawp turin Rijiju ngen

Nagaland Pradesh Congress Committee (NPCC) chuan Union Minister of State for Home Affairs, Kiren Rijiju chu ramchhung hmun hrang hranga Kiristian-te tihduhdahna titawp turin Pathianni khan an ngen a, Biak In tichhiat awm ṭhin pawh tih tawp a nih theih nana hma la turin an ngen bawk.

NPCC hian Kiren Rijiju chu damdawiin, school, college leh charity work danga missionary hna thawhna tur ramdang aṭanga ṭanpuina lo kal ṭhin pawh a thlawna kalpui turin an ti a, Theological zirlaite hnenah scholarship pe turin an ngen bawk. Kristiante enhranna titawp tur te, Kiristian do zawnga campaign-te lo tur leh Nagaland-a kal turin an sawm bawk a ni.

NPCC President K Therie thuchhuah siamah chuan, Rijiju chuan sorkar laipuiin inkahhai puan an bawhchhiat loh tur thu leh a theih anga inbiakna an kalpui tur thu a sawi tih a tarlang a. Mahse heti chung hian buaina chinfelna tak tak an nei lo niin a sawi. Therie chuan Rijiju chu a thusawi awmzia hre lo leh buaina chinfel dan tur hre loah a puh bawk a, chu chu Bharata Janata Party (BJP) thiltum ber pawh a nih thu a sawi bawk.

Therir chuan BJP chu a tak takah chuan buaina chinfelna hre lo niin a puh a, mipuite chu BJP-in buaina chinfel an sawi awih lo tur leh remna leh muanna chungchang an sawi pawh pawm lo turin a ti bawk.

Ram hmasawnna tur thil sawi mah se kawngpui leh infrastructure awm sate pawh ṭha takin an enkawl thei lo niin a sawi bawk.

Therie chuan Nagaland-a vote thlak turte chuan Naga People's Front (NPF) dinhmun diktak an hriat a ṭul thu pawh sawiin, tun state assembly an hmachhawn turah hian a hnungtawlh zawngin min hruai a ni, a ti.