Tripura-ah Rohingya mi paruk man

Tripura-a Dharmanagar-ah kar kalta Inrinni khan Rohingya Muslim tleirawl paruk man n nih thu police-te chuan an tarlang. Dharmanagar hi Tripura leh Assam inrina laia awm a ni.

Police-te chuan Inrinni tlai­ah heng tleirawl paruk, mipa pathum leh hmeichhe pathumte hi Dharmanagar rel station-ah man an nih thu an sawi a, rel hmanga Hyderabad pan tum an nih thu an sawi bawk. An mi mante hi kum 18 bawr vel an ni hlawm a, ni hnih liamtaa Bangladesh aṭanga Tripura-a lut an nih thu police-te chuan sawiin, Myanmar Rohingya mi an nih thu an tichiang tawh bawk. Police leh intelligence te chuan heng an mi mante hi thu an zawtfiah a ni.

Rohingya mi tamtak chuan tun hnaiah Trupura leh hmarchhak state dang aṭangin India ram hi rawn lut tawhin, dan loa lo lut an ni tlangpui a, hna duh vanga lo lut an ni tlangpui bawk. A tam zawk chu security force-te'n an lo nawr let ve bawk a ni.