BJP leh RSS-te'n inthlana hmalak dan tur sawiho

Bharata Janata Party (BJP) leh Rashtriya Swa­yamsevak Sangh (RSS) hruaitute chuan Pathianni khan hmarchhak state hrang hranga kumin chhunga inthlan neih tura hmalak dan tur hrang hrang sawiin, inkawm hona hun an nei.

BJP leh RSS hruaitute hian New Delhi-a Home Minister Rajnath Singh-a inah inkawmna hi neiin hmalak dan tur an sawiho a ni. Tripura, Nagaland, Mizoram leh Meghalaya-ahte kumin hian state assembly elcetion a awm dawn a, BJP hian hnehna chan an tum hle a, tunah hian state hrang hrang 19-ah ro an rel mekin, huang zauh zel an tum a ni.

Prime Minister Narendra Modi chuan kum kalta khan Meghalaya leh Mizoram-ahte campaign a lo nei tawh a, BJP President Amit Shah pawhin campaign hi a lo nei tawh bawk. BJP hian tun hnai khan Gujarat leh Himachal Pradesh-ahte hnehna an lo chang tawh a ni.