Meghlalaya Assembly aṭangin Independent MLA pakhat bang

Independent legis­lator, Minister pawh ni tawh ṭhin Saleng A. Sangma chuan Thawhṭnni khan Assembly member aṭanga a ban thu a puang ve leh ta a, Nationalist Congress Party (NCP) a zawm nghal a ni.

Meghalaya Assembly, member 60 awmna hi March 6 hian an term a zo tawh dawn a, Saleng a ban takah hian member 46 chiah an awm ta a ni. Meghalaya Assembly member aṭang hian Congress legislator pasarih, NCP mi pakhat, United Democratic Paty aṭangin pakhat leh Independent legislator panga ten a hma in banna an lo thehlut tawh bawk.

Saleng hian Assembly Speaker Abu Taher Modal hnena banna a thehluh hnu lawkah hian NCP a zawm nghal a, Meghalaya unit President nihna a chelh nghal niin official te chuan an sawi a, NCP legislator BJP zawm ta Sanbor Shullai hmunruak a luah nghal a ni.

NCP General Sec­retary Praful Patel pawhin ni hnih cham turin nimin khan Meghalaya a tlawh a, party hruaitute inthlan lo awm tura hmalak dan tur chungchang a sawipui dawn a ni.