Vawiin aṭangin Sikkim Organic Day hmang dawn

Sikkim Organic Day 2018 chu vawiin leh Naktuk hian Ranipool-a Saramsa Garden-ah hman a ni dawn a, lo nei mi tamtak an fuankhawm beisei a ni.

January 18, 2016 khan Prime Minister Naredra Modi chuan Sikkim chu ram chhunga Organic Farming State hmasa berah a puang a, hemi denchhan hian Sikkim Chief Minister Pawan Chamling chuan kumtinin January 18 hi Sikkim Organic Day atan hman a nih ṭhin tur thu a lo puang tawh bawk.

Food Security & Agri­culture Development and Horticulture & Cash Crops Development Department chuan kar kalta Ningania Press Conference an buat­saihah kumin Organic Day Theme atan ‘Transforming Agriculture For A Better World’ tih a nih dawn thu thuchhuah an lo siam tawh a, lo neitu ten an thlaithar an pholan dawn thu an tarlang bawk a ni.

An thuchhuah siamah hian lo neitute hian an thlaithar leh pangpar thar chhuah hmanga inelna an neih dawn thu an sawi a, Seminar-te pawh neih a nih dawn thu sawiin Award-te pawh an sem dawn niin an sawi bawk.

Department Secretary Khorlo Bhutia chuan Orga­nic Day-ah hian Chief Minister Pawan Chamling pawhin a tel dawn tih a tichiang tawh niin a sawi a, lo nei mi 300 chuang an tel dawn niin a sawi.