Imphal grenade puakah nu pakhat hliam

Manipur Capital Imphal-a Raj Bhavan bula sipai office-ah Thawhṭanni khan grenade bomb tihpuah niin nu pakhatin hliam a tawrh thu police official-te chuan an sawi.

Grenade tihpuahna office hi national highway No 2-a awm niin Raj Bhavan bul lawka awm a ni a, thil tihchhiat lian tham erawh a nei lo niin poilce-te chuan an sawi a, nu pakhat tih lohah chuan hliam tuar emaw nunna chan emaw an awm lo niin an sawi bawk.

He thil thleng hi eng pawl mahin an tih anih thu an la sawi lo a, han chhuizui vak ngaihna pawh an hre lo niin an sawi bawk a ni.

Bomb puahna hmunah hian police leh security force-te chu rang takin kal mah se pawikhawitu te erawh an tlanchhe hman niin police-te chuan an sawi.

Zirtawpni khan Ma­nipur Ukhuruk district-ah bomb chak tak tihpuah a lo nih tawh bawk avangin police-te chuan tun hnaia bomb puak te hi Republic day dan tumna atana firfiakte hmalak lailawkna a nih an rin thu an sawi a ni.

Police-te chuan tun­hnaiah hmun hrang hrangah bomb tihpuah a nih nasat thu an sawi a, dan lekkawhna mai bakah venhimna lam pawhin hmasawnna a nei vak lo niin an sawi a, hel pawh an awm reng niin an sawi.

Chief Minister N. Biren Singh, Home Mi­nistry in charge ni bawk chuan Manipur-a remna leh muanna a awm theihna turin firfiaka che ṭhin te leh hel pawl hrang hrang hnenah fimkhut tura tihna a lo thawn chhuak tawh niin a sawi.