Meghalaya-Assam border buaina ngaituah turin Consultative committee din thar phut

Meghalaya-a Hill State People’s Democratic Party (HSPDP) chuan Meghalaya chief secretary hnenah Assam-Meghalaya border buaina chungchang ngaihtuahtu tur, consultative com­mittee din thar leh tura ngenna an thlen.

HSPDP hi Megha­laya-a rorellai, Meghalaya Democratic Alliance (MDA) sorkar thawhpui a ni. Committee din tharah hian ramri kaihhnawiha stakeholder pawimawh hrang hrangte pawh telh turin an ngen a ni.

Party president KP Pangniang chuan, "Com­mittee chuan ramria area hrang hrang 12 din­hmunte chiang taka zirin, sorkar hnenah report leh rawtnate an thehlut tur a ni," a ti. Hun rei tak ramria buaina an neih tawh chu state pahnihten an pawm dun theih tura inremna siam dan ngaihtuah a ṭul tawh hle tih an sawi a ni.

Meghalaya chief minister Conrad K Sang­ma chuan tunhnaia Assam chief minister Himanta Biswa Sarma nen ramri chungchang hi an lo sawidun tawh thu a sawi. Union home minister Amit Shah pawhin Meghalaya leh Assam sorkar chu an buainate chingfel thuai turin a lo ngen tawh bawk.