Assam leh Arunachal inrinaah oil tanker pakua hal

Naga hel - National Socialist Council of Nagaland - Khaplang (NSCN-K) ni ngeia rinhlehte chuan Thawhlehni chawhnu khan Assam leh Arunachal Pradesh border-ah oil phur tanker pakua an hal.

Heng tanker-te hian Arunachal Pradesh-a Kharsang aṭangin Assam-a Digboi-ah oil hi an phur a, Jagun-ah firfiak ni ngeia rinhlehte hian an lo hal ta a ni. Assam rifle leh police-te chu rang takin oil phur tanker halnaah hian an tlan nghal a, mi man an nei lo thung. Police official-te chuan NSCN-K ho tih a nih ngei an rin thu an sawi a, anti-talk faction aṭang khan henglai hmun velah hian hel pawlte chu hmun tur an awm fo niin an sawi bawk.

Assam leh Aruncahal inrina Tinsukia district-ah hian tunhnaiah hel pawl hrang hrang pawikhawihna hmuhtur a awm fo niin, police-te chuan an sawi bawk.