Nagaland Home Minister hluiin BJP zawm

Nagaland state Home Minister ni ṭhin, Y Patton chuan Bharata Janata Party (BJP) a zawm thu a puang a, Nilaini khan party General Secretary Ram Madhav leh Tripura BJP poll in charge Himanta Biswas Sarma awm laiin Dimapur-ah official-in BJP hi a zawm ta a ni.

Y Patton hian January 9 khan Nagaland Legislative Member a nihna aṭangin a ban thu a lo sawi tawh a, a banna hi NLA Speaker Dr. Imtiwapang Aier pawhin a lo pawmpui tawh nghe nghe a ni. MLA a nihna aṭanga a ban thu a puan tukah hian Nagaland a rorel lai naga Peoples' Front (NPF) a chhuahsan thu a lo sawi tawh bawk.