Nagaland : Congress-in Coordination Committee tur puangchhuak

Congress President Rahul Gandhi chuan Nagaland inthlan tur atana an party Coordination Committee tur atana an ruat te chu Nilaini khan a pawmpui ta tih a sawi. Nagaland hi February 27 hian an inthlang tawh dawn a ni.

Coordination Commitee-ah hian member pariat awmin All India Congress Committee (AICC) Secretary General Incharge of the state C. P. Joshi, Nagaland Congress President K. Theire leh Chief Minister pawh lo ni tawh K.L. Chishi-te chu hming langsar zinga mi an ni. Anni bakah hian Secretary Incharge of the state K. Jayakumar, AICC Minority Department Vice Chairman Anil Thomas, Assam Minister hlui Pradyut Bordoloi, Nagaland Assembly Congress Legislature Party (CLP) hruaitu ni ṭhin I. Imkong leh MLA hlui Lanpha Konyak-te chu member dang atana ruat te an ni bawk.

Anni bakah hian Tripura General Secretary Incharge pui tura MLA Imo Singh ruatna pawh Rahul Gandhi hian a pawmpui bawk a ni.