Sikkim-in khualzin khuahkhirhna siam thlahdul zel

Sikkim sorkar chuan hripui leng vanga hun rei tak an state-a khualzin luh khapna an siam hnuah, boruakin ziaawm lam a pan chhoh tawh avangin khualzin tam zawk hip luh dan kawng a ngaihtuah leh mek.

State sorkar chuan Ningani khan thuchhuah thar tichhuakin, state dang aṭanga khualzin lut turte tana khuahkhirhna chu a thlahdul belh leh. Chhungkuaa zin tumte tan Covid vaccine dose hnih la pakhat an awm tawh chuan, puitling dang vaccine dose khat leh naupangte chu an hruai tel phalsak an ni tawh dawn a ni. Hemi rual hian vaccine dose la kim lo erawh chuan an state an luh hma darkar 72 liam ta chhunga RTPCR report an neih a ngai dawn thung a ni.

Vaccine dose la kim tawh tello chuan dose la la kim lote a hranin an luh phalsak a ni lo thung ang.