Tripura-ah CPI-M office hal

Union minister atana Tripura MP Pratima Bhoumik lakluh a nih hnu lawkah West Tripura district-a Dhanpur assembly constituency huam chhunga Bara Narayan area-a eptu party, CPI-M office chu rorellai, BJP mi leh saten an hal sak.

CPI-M state secretariat chuan thuchhuah siamin he thil thleng hi an dem thu hi a sawi. "Rorellai BJP mi leh saten CPI-M office suasama an hal hi kan dem tak zet a ni. Union minister atana Bhoumik lakluh a nih hnu lawkah, BJP-te hian kawng zawhin office hi an suasam zui a, petrol leihin an hal a ni," a ti. He office hi tun hnai lawka CPI-M worker-ten an hawn thar leh a ni tih a sawi bawk.

Pratima Bhoumik hi kum 1998 leh 2018 assembly inthlanah khan Dhanpur constituency-ah hian dingin, CPI-M hruaitu leh chief minister Manik Sarkar a hneh zo lo ve ve a ni.

Hetih lai hian BJP state vice-president Rajib Bhattacharjee chuan CPI-M party office chuan CPM-M mi leh sa zawk niin a puh a, BJP hming tihchhiat tuma cheah a puh thung a ni.