PM Modi-a'n Tripura, Manipur leh Meghalaya mipuite chibai buk

Prime Minister Narendra Modi chuan hmarchhak state pathum - Tripura, Manipur leh Meghalaya mipuite chu an state dinchampha phak pualin Pathianni khan chibai a buk.

Prime Minister chuan a twitter-ah, "Tripura mipuite in State Day-ah hian duhsakna sang ber ka hlan a che u. Tripura hi history ropui tak leh ṭhalai duhawm tak tak, tumruh tak takte hmanga malsawmna dawng an ni" tiin a ziak. Manipur chungchang pawh tarlangin Narendra Modi chuan, "Manipur mipui duhawm takte chibai ka buk e. Hun lo kal leh zel turah Manipur hian hma sawm zel rawh se" a ti.

Modi chuan Meghalaya state mipuite pawh duhsakna hlanin, "Meghalaya-a ka unaunu leh unaupate chibai ka buk a che u. Meghalaya mipuite ṭhatna hi ka ngaihlu reng ang. A state mawina hian min tilawm a ni. Meghalaya mipuiten hriselna ṭha leh nun tluang tak an neih theih nan ka ṭawngṭai e" tiin a tarlang bawk.

North-Eastern Areas (Re-organisation) Act, 1971 hnuaiah Tripura, Manipur leh Meghalaya-te hi January 21, 1972 khan a rualin state-ah hlankai an ni.