Assam Chief Minister-in GIS-a tel turin Suresh Prabhu sawm

Assam Chief Minister Sarbanada Sonowal chuan Thawlehni kalta khan Union Commerce and In­dustry Minister Suresh Pra­bhu chu New Delhi-ah kawmin, February 3-a ṭan tur Global Investors' Sum­mit-a telpui turin a sawm.

Union Minister pawh­in a sawmna chu a pawm thu sawiin, a kaihhruai Ministry-te chuan summit hlawhtling tak an neih theih nan theitawpa puih a inhuam thu a sawi. Sarbanada Sonowal chuan summit hlawhtling tak neih a nih theih nana an hmalak dan leh an inbuatsaih dan te Prabhu hi a hrilh a ni. Global Investors' Summit hmang hian Assam-a Industry-te leh investment-in nasa zawka hma an sawn theih nan hmalak tum a ni a, session hrang hrang a ṭhen a ni dawn bawk.

Ruahman dan chuan business-to-business se­ssion leh government-to-business session-te pawh a awm dawn a, India thilsiam te nasa taka pro­mote tum a ni bawk.