Tripura-ah inthlan hmain official 230 vel tranfer tawh

Tripura Assembly inthlan neih hmain official 230, returning officer 10 telin transfer an ni leh ta a, heng bakah hian kar liamta khan police official eng emaw zat transfer an lo ni tawh bawk.

Inthlan vuakvetah kar hmasa khan police official 180 transefer an ni tawh a, heng bakah hian civil administration official 58, returning officer 10 telin transfer an ni leh bawk. Model Code of Conduct (MCC) leh Election Commission (EC) thupek angin official transfer runpui hi an nei a ni. EC chuan MCC hi Ningani zan khan kalpui turin thu a chhuah a ni.

Zirtawpni zan khan civil admi­nistrative official 53-te hi transfer an nih thu thuchhuah siam a ni a, darkar 24 chhunga an post thar zawm hman tura thupek an ni tih Agartala-a Election Official chuan a sawi. Heng an tranfer thar zingah hian returning officer 10 bakah sub-divisional magistrates (SDMs) paruk an tel.

Kar hmasa tir lam khan Tripura police thuneitu lam chuan police officer 180 an lo transfer tawh bawk a, heng zingah hian Officer-in-Charge 20 leh Deputy Superintendent 29 an tel a ni.

Tripura Chief Electoral Officer Sriram Taranikanti chuan assembly constituency 60 zinga 40-ah hmeichhe tan polling station 40 an buatsaih dawn niin a sawi. Sriram chuan Tripura-ah chuan hei hi a hmasa ber tur a nih thu sawiin heng station-a duty tur te pawh hmeichhia vek an nih dawn thu a sawi. Tripura-ah hian polling station 3,214 dah a ni dawn thung.

Tripura inthlanna neih tura inbuatsaihna endik tur hian Ningani khan EC Deputy Election Commissioner Sudeep Jain leh a hote an kal a, senior official-te leh Director General of Police Akhil Kumar Sukhla-te pawh meeting an neihpui nghal bawk. Inrinni khan EC hotute hian Delhi an pan leh tawh a ni.