Nagaland : NPF MLA dang bang leh

Nagaland-a rorel lai Naga People's Front (NPF) MLA Vikho-o Yhoshu chuan Inrinni khan Nagaland Assembly mem­ber aṭanga a ban thu sawiin party pawh a chhuahsan tih a sawi nghal bawk.

Yhoshu chuan Ad­visor to the Chief Minis­ter for Mechanical Engi­neering a nihna aṭang pawhin a bang nghal tih sawiin banna lehkha hi state Assembly, Chief Minister Office leh NPF-ah a thehlut a ni. Party dang a zawm thu erawh engmah a la sawi lo.

January 9 khan home mi­nister hlui Y Patton chuan NPF chhuahsan in BJP a lo zawm tawh bawk a ni.

Nagaland hian Feb­ruary 27 hian Assembly inthlan an nei dawn a, March 3-ah vote chhiar a ni ang. Nagaland-ah hian Assembly seat 60 a awm a ni.