Manipur-a grenade puakah Mipa naupang pahnih an thi

Manipur-a Imphal East district police-te chuan thuchhuah siamin Pathianni khan grenade puak avangin mipa naupang pahnih in nunna an chan thu an sawi a, pakhat in hliam na tak a tuar bawk niin an sawi.

Heng naupang pathum te hi Suvunglo thingtlang khuaa cheng niin ramdang siam grenade hian an infiam niin police-te chuan an sawi. A puak thei tih an hriat loh vangin infiamnaa an hman lai hian a puak ta a, a hmunah hian pakhat hian nunna a chan nghal a ni. Pakhat zawk erawh hi chu district damdawiina dah luh a nih hnu lawkah a thi ve leh a, a la dam awmchhun pawh hian hliam na tak a tawrh thu an sawi.

Heng naupang-te hming hi police-te hian an tarlang lo a ni.

Police official-te chuan bomb hi firfiak ta nge security force-te ta tih an la hriat loh thu an sawi bawk.