Tripura home minister hlui chenna in dap sak

Tripura police crime branch chuan Zirtawpni liam ta khan state home minister hlui leh CPI-M hruaitu, Pabitra Kar chenna in pahnih an dap sak.

Pabitra Kar hi July 2 khan Bodhjungagar police station ah vigilance case siamsak a lo ni tawh a ni.

Kar chuan Crime Branch team hian zan dar 8:30 atanga a tuk Inrinni zing dar 7 thleng a chenna in an dap tih a sawi. A thil neih leh document hrang hrangte an ensak a, a nupui saree leh tlereuhte pawh laksakin, ama bank passbook leh home document-te pawh an laksak vek tih a sawi.

Official-te chuan Kar document 30 chuang an laksak chu uluk taka an zirchian tur thu sawiin, minister hlui pawh insawifiah tura koh a ni dawn tih an sawi a ni.

Mahse Kar chuan a chenna in dapsak a nih dan chu politics lama phuba lak tumna a ni tih a sawi thung. Finance minister hlui, Badal Chowdhury pawh eirua puh chungchangah man a ni tawh bawk tih a sawi. Tripura Left front convener Bijan Dhar chuan an hruaitute lakah rorellai BJP chuan phuba lak a tum a ni, tiin a puh ve bawk.