Manipur-ah Republic Day denchhenin venhimna kalpui uluk
Republic Day hlawhtling tak leh ralmuang tak hman a nih theih nan Manipur-ah venhimna lam buaipui tuten uluk takin an hna an kalpui.
Manipur-ah hian police leh paramilitary force-te chuan district hrang hrangah surprise check an nei ṭhin a, hei hi Republic day hlawhtling tak neih a nih theih nana ti an nih thu an sawi a ni.
Tualzawlah mipuite chu kalkhawm tirin an enfiah ṭhin a, identification card mumal nei lo te chu police station-ah thu zawhfiah turin an thawn leh ṭhin a ni. Police-te chuan hel pawl pakhat mah man an la nih loh thu an sawi thung.
Hetih lai hian Nilaini khan security force-te chuan National Highway 2-ah time bomb an hmuh thu police official-te chuan sawiin Police bomb squad-te chuan hlawhting taka an sut thu an sawi bawk. He bomb hi Thoubal district-a Wangjing leh Kamjong khaw inkhar NH2-ah 26 Assam Rifles-ten an hmuh thu an sawi.
He bomb hi eng pawl mahin an dah a nih thu an la sawi lo thung.
Republic Day denchhena hma an laknaah hian Assam Rifles-te chuan ralthuam eng emaw zat an hmuchhuah tawh thu an sawi a, heng ralthuam-te hi underground ho ta a ni tlangpui a ni.